На сустрэчы старшыні "Таварыства беларускай мовы імя Францішка Скарыны" Алега Трусава со старшынёй Нацыянальнай дзяржаўнай тэлерадыёкампаніі Аляксандрам Зімоўскім 27 студзеня дасягнута дамоўленасць аб пашырэнні ўжытку беларускай мовы на айчынным тэлебачанні. Пра гэта паведаміў БелаПАН А.Трусаў.

Шэраг экскурсіяў у межах кампаніі “Будзьма” ладзіць гэтымі выходнымі ў Магілёве й вобласьці аб’яднаньне “Гісторыка”.

У пятніцу, 30 студзеня, суполка Таварыства беларускай мовы ладзіць сустрэчу з акторамі Магілёўскага драматычнага тэатру. Сустрэча адбудзецца пасьля беларускамоўнага спэктаклю "Трышчан і Іжота".

23 студзеня ў Магілёўскім дзіцячым садку №81, у якім існуе буларускамоўная група, суполка ТБМ арганізавала сьвята для дзяцей. Глядзіце фота.

У нядзелю, 18 студзеня, на сядзібе ТБМ імя Францішка Скарыны адбылася сустрэча з сынам Якуба Коласа Міхасём Міцкевічам. На працягу вечарыны, якая працягвалася амаль тры гадзіны, спадар Міхась распавядаў прысутным пра сябе, пра бацьку, чытаў урыўкі з твораў Якуба Коласа, выказваў свае погляды на сучаснае жыццё Беларусі… Дарэчы, госцем сустрэчы была і Марыя Міхалаўна, дачка Міхася Канстанцінавіча.

У падарожжы 18 студзеня мы наведалі палац Манюшкаў 19 ст. ў Смілавічах, Нацыянальны мастацкі музей і тэатр беларускай драматургіі ў Мінску. На сядзібе ТБМ адбылася сустрэча з сынам Якуба Коласа Міхасём Міцкевічам. У гэты ж дзень сябры рады Магілёўскага ТБМ прынялі ўдзел у пасяджэнні рэспубліканскай рады. Прапануем вашай увазе фотарэпатртаж з падарожжа.

Цікавая экскурсія па старым горадзе са знаўцам усіх гарадзкіх таямніц Аляксандрам Агеевым. Ладзіцца пры падтрымцы МГА "Гісторыка" і кампаніі "Будзьма". 24 студзеня, субота, 12.00. Пачатак ля ратушы і далей па вул. Ленінскай. Запрашаюцца ўсе. Дзеці цягнуць бацькоў, бацькі цягнуць дзяцей. Бо будзе цікава. Ды й ня кожны дзень такое адбываецца.

Sajt Biełaruskaj słužby dalučyŭsia da Tydnia łacinki. U svoj čas łacinkaj karystalisia Jan Čačot, Paŭluk Bahrym, Vincent Dunin-Marcinkievič, Francišak Bahuševič, Adam Hurynovič, Kastuś Kalinoŭski, Janka Kupała, Ciotka.

25 студзеня ў межах кампаніі "Будзьма" адбудзецца вандроўка па старажытных мясцінах Магілёўшчыны.

18 студзеня рада грамадскага аб'яднання "Таварыства беларускай мовы імя Францішка Скарыны" (ТБМ) заснавала рэдакцыйна-выдавецкую ўстанову і літаратурна-мастацкі часопіс "Верасень".