Карыстальнікі папулярнага расійскага пашуковіка "Яндэкс" цяпер могуць бачыць яго галоўную старонку па-беларуску. Трапіць на яе можна праз адрас www.yandex.by

Магілёўская гарадская арганізацыя “Таварыства беларускай мовы імя Францішка Скарыны” глубока смуткуе і выказвае шчырыя спачуванні Амбасадзе Рэспублікі Польшча ў Мінску і ўсяму польскаму народу ў сувязі з авіякатастрофай пад Смаленскам, што забрала дзесяткі жыццяў лепшых польскіх грамадзян, сярод якіх знаходзіліся і Прэзідэнт Рэспублікі Польшча Лех Качынскі разам з жонкай Марыяй.

На канцэрце, які адбудзецца ў клюбе “На Дуброўцы”, выступяць гурты Горынь і Landers. Этна-трыа Троіца ў фэсьце ўдзельнічаць ня будзе. Прычына – невялікая колькасьць папярэдне прададзеных білетаў.

Працавалі сабе ў Пецярбурзе гурт «Оберег», а ў Магілёве — OSIMIRA. Лідэр другога Андрусь Палаўчэня здрадзіў у імя каханьня родным абшарам, зьехаў у горад першых, але выправіўся не адзін, а прыхапіў з сабой трохі спадчыны, якая ад прадзедаў спакон вякоў. Няма ўпэўненасьці, ці ладзілі прадзеды першых і другіх між сабой, але засьпяваць па-беларуску «абярэгаўцы» згадзіліся. Рэцэнзія на дэбютны альбом праекту Hvarna.

У нядзелю, 11 красавіка, Магілёўскае ТБМ у маляўнічай мясцовасці недалёка ад Магілёва ладзіць свята гукання вясны. Вас чакаюць: спевы, карагод, спальванне марэны, гульні, пачастункі. Запрашаем усіх прыхільнікаў беларушчыны!

Дарагі Алег! Шчыра віншуем з Днём народзінаў! Няхай Цябе заўсёды акружае велікадушнасць родных і блізкіх людзей!

У чацвер, 8 красавіка, у Палацы культуры вобласці адбудзецца прэзентацыя кнігі Аляксандра Ліціна і Іды Шандаровіч “Гісторыя магілёўскага яўрэйства”. Выданне ахоплівае перыяд сталінскіх рэпрэсій 1930-гг. і час нямецкай акупацыі 1941-44гг.

У першы дзень веснавой сэсіі Палаты прадстаўнікоў старшыня Памежнага камітэту Ігар Рачкоўскі зрабіў свой даклад па-беларуску. Як заявіў Рачкоўскі, у Памежным камітэце імкнуцца падпісваць дакумэнты на беларускай мове. Ці можна сказаць, што ў дзяржаўных структурах мяняецца стаўленьне да беларускай мовы?

Адзін з цэнтральных тэлеканалаў у перспектыве можа стаць цалкам беларускамоўным. Такое меркаванне выказаў старшыня Белтэлерадыёкампаніі Аляксандр Зімоўскі, падводзячы вынікі дзейнасці кампаніі за 2009 год.

У сераду, 7 красавіка, у цэнтральнай гарадской бібліятэцы імя Карла Маркса адбудзецца сустрэча з мінскім гісторыкам Інай Герасімавай. Тэма вечарыны - "Гісторыя яўрэяў на Беларусі. Халакост". Пачатак імпрэзы а 18-й. Запрашаем усіх прыхільнікаў беларушчыны!