Улічваючы грамадскі рэзананс праекта "Прыбудова да гандлёвага цэнтра "Магніт" і неадназначнасць яго адзнак з боку магілёўцаў, гарвыканкам прыняў рашэнне правесці грамадскае абмеркаванне архітэктурна-планавальнай канцэпцыі дадзенага аб'екта. Далучайцеся!

Народны тэатр Палаца культуры вобласці 15 студзеня 2011 г. запрашае наведаць спектакль “Выйсце крыніц” па творах Уладзіміра Караткевіча. Інсцэніроўка і пастаноўка Алы Кусковай.

Магілёўскі дзяржаўны ўніверсітэт імя Аркадзя Куляшова і Магілёўская абласная арганізацыя Таварыства беларускай мовы імя Францішка Скарыны запрашаюць навучэнцаў 9-11 класаў на Беларускае пяціборства-ХІ. Спаборніцтва адбудзецца 11 студзеня 2012 года з 15 да 17 гадзін
у аўдыторыі 123 універсітэта (вул.Касманаўтаў, 1). Шчыра запрашаем усіх ахвотных!

Дом, у якім жыў у Горках пісьменьнік Максім Гарэцкі, зьнясуць. Гэта вынікае з публікацыі ў раённай газэце «Горацкі весьнік».

Магілёўскае ТБМ шчыра віншуе ўсіх прыхільнікаў беларушчыны з Новым 2012 годам! Няхай на душы ў Вас будуць радасць і спакой, у працы — поспех і павага, у сям’і - дабрабыт і ўзаемаразуменне, а ў сэрцах - нязгасная любоў да роднай беларускай мовы!

Выдавецтва «Мастацкая літаратура» абвяшчае прыватную падпіску на 25-томнае выданне збору твораў Уладзіміра Караткевіча, якое выйдзе ў 2012–2020 гадах.

Чарговае пасяджэнне гурткоўцаў будзе прысвечана беларускім танцам. Пачатак традыцыйна а 19-й. Шчыра запрашаем!

26 сьнежня ў магілёўскай ратушы адбылася прэзэнтацыя старадрука “Часоўнік”. Кніга была выдадзена для рэлігійных патрэбаў старавераў у магілёўскай друкарні пры Багаяўленскай царкве блізу 1773 году. Выданьне выкупілі з аўкцыёну на грошы сабраныя магілёўцамі талакой.

7-га снежня ў Магілёве на пасяджэнні гуртка беларускай мовы, арганізаванага гарадской суполкай ТБМ, адбыўся першы сход новага літаратурнага клуба. Да яго стварэння падштурхнула найперш татальная русіфікацыя беларускага грамадства і культуры, а таксама неабходнасць існавання менавіта беларускамоўнай пляцоўкі як для прызнаных літаратараў, так і для пачаткоўцаў або аматараў.

26 снежня 2011 г. заканчваецца падпіска на "Наша слова" - рэспубліканскую газету ГА "Таварыства беларускай мовы імя Франіцшка Скарыны". Калі Вас цікавіць беларушчына, калі Вы хочаце быць поруч з роднай мовай - падпішыцеся!