На чарговым гуртку беларускай мовы мы ўсе разам паляцім у космас. І даведаемся больш пра тое, як правільна па-беларуску называюцца зоры і сузор’і, знакі задыяку і яшчэ шмат чаго цікавага. Шчыра запрашаем!

На працягу 2011-2012 навучальнага года актывісты Магілёўскага ТБМ праводзяць шэраг мерапрыемстваў, накіраваных на папулярызацыю беларускай мовы і культуры, для вучняў гарадскіх школ і гімназій. У студзені мы наведалі СШ№1, дзе ёсць адзіны ў горадзе беларускамоўны клас.

У аўторак, 31 студзеня 2012 г., Магілёўскае ТБМ ладзіць вечарыну, прымеркаваную да 120-годдзя вядомага беларускага грамадска-палітычнага дзеяча, мовазнаўца, перакладчыка і публіцыста Браніслава Тарашкевіча. Госці імпрэзы – мовазнаўца і грамадскі дзеяч Вінцук Вячорка, мастацтвазнаўца і літаратар Сяргей Харэўскі. Пачатак а 18.30. Шчыра запрашаем!

28 студзеня - 435 год магілёўскаму Магдэбургскаму праву.
Магілёўская гарадская аргнаізацыя ТБМ шчыра віншуе ўсіх магілёўцаў з гэтай знакавай датай нашай славутай гісторыі!

Тэма чарговых заняткаў гуртка - архітэктура нашага роднага Магілёва. Пачатак традыцыйна а 19-й. Шчыра запрашаем!

У аўторак, 24 студзеня, адбудзецца цырымонiя ўзнагароджвання пераможцаў «Беларускага пяцiборства-ХI».
Цырымонiя адбудзецца ў кабiнеце дэкана педагагiчнага факультэта (корпус № 4 унiверсiтэта на пл. Арджанiкiдзэ). Пачатак а 16-й гадзiне.

Некалькі год таму сябры Магілеўскай філіі Студэнцкага этнаграфічнага таварыства (СЭТ) «адкрылі» вёску Цяхцін Бялыніцкага раёна Магілёўскай вобласці. Унікальныя цяхцінскія бабулі дагэтуль праводзяць калядны абрад на Шчадрэц, у якім сёлета актыўна ўдзельнічалі і сябры Магілёўскага ТБМ.

Інтэлектуальнае змаганне сярод вучняў старэйшых класаў "Беларускае пяціборства" прайшло 11 студзеня ў Магілёве. Удзел у ім прынялі 30 чалавек з розных гарадоў і вёсак Магілёўшчыны. "Беларускае пяціборства" - у сваім родзе ўнікальнае мерапрыемства, паколькі нічога падобнага нідзе ў Беларусі больш не праводзіцца.

У нядзелю, 22 студзеня, сезон падарожжаў-2012 Магілёўскага ТБМ распачнецца вандроўкай па мясцінах класіка беларускай літаратуры Вінцэнта Дуніна Марцінкевіча. Падарожжа ладзіцца супольна з кампаніяй "Будзьма беларусамі!" Шчыра запрашаем усіх аматараў беларушчыны!