У праграме падарожжа, якое адбудзецца па маршруце
Магілёў-Менск-Тупальшчына-Малая Люцінка-Магілёў, запланаваны:
• экскурсія ў менскі планетарый;
• сустрэча са знакамітым беларускім паэтам Генадзем Бураўкіным;
• наведванне Тупальшчыны і Малой Люцынкі - мясцін, звязаных з жыццём і дзейнасцю
Вінцэнта Дуніна-Марцінкевіча - класіка беларускай літаратуры, аднаго з пачынальнікаў новай беларускай літаратуры і драматургіі, паэта, тэатральнага і грамадскага дзеяча.
• наведванне аграсядзібы
"Марцінова гусь", дзе ўдзельнікаў падарожжа чакае абед з традыцыйных беларускіх страў.
У маршруце магчымыя змены.
Даведка:Сядзіба "Марцінова гусь" (в. Малая Люцынка Валожынскага раёна, 50 км ад Менска ў бок Гародні) - ідэальнае месца для правядзення вечарынак, імпрэзы сямейных падзей і іншых мерапрыемстваў. Уладальнік сядзібы, беларускі гісторык, публіцыст, культуролаг, доктар гуманітарных навук Алесь Белы - аўтар шматлікіх публікацый па гісторыі традыцыйных беларускіх страў і прадуктаў, шматгадовы каардынатар праекта "Наша Страва" па адраджэнні нацыянальных кулінарных традыцый.
Таму лепшага месца, дзе можна паспрабаваць шляхецкія зразы з курагой і чарнаслівам, грыбную поліўку з кнышамі, ці калдуны графа Тышкевіча, вам проста не знайсці. Чаму "Марцінова гусь"? Стравы з гусяціны - абавязковы атрыбут дня Святога Марціна (11 лістапада), нябеснага заступніка сядзібы, адкуль і паходзіць назва, якая яшчэ іранічна перагукваецца і з прозвішчам самага знакамітага жыхара Люцынкі – Вінцэнта Дуніна-Марцінкевіча заснавальніка беларускай літаратуры 19 стагоддзя, і з яго родавым гербам "Лебедзь".
Кантактныя тэлефоны:
Алег Дзьячкоў (МТС – 8-029-245-64-52; Velcom – 8-029-388-35-61)
