Магілёўская гарадская арганізацыя ГА “Таварыства беларускай мовы імя Францішка Скарыны” 17-18 ліпеня 2010 г. правяла вандроўку па Гарадзеншчыне, прысвечаную 600-годдзю перамогі ў Грунвальдскай бітве. Пасля начоўкі на беразе Нёмана мы наведалі Гудзевіцкі літаратурна-краязнаўчы музей і Гародню - адзін з самых прыгожых і старажытных гарадоў Беларусі.
Ваколіцы вёскі Лунна (Мастоўскі раён). Лагер на Нёмане
Ваколіцы вёскі Лунна (Мастоўскі раён). Мост праз Нёман
Ваколіцы вёскі Лунна (Мастоўскі раён). Нёман
Адпачынак на Нёмане
Адпачынак на Нёмане
Лунна (Мастоўскі раён). Царква Св. Іаана Прадцечы, 19 ст.
Лунна (Мастоўскі раён). Касцёл св. Ганны, 18 ст.
Гудзевічы (Мастоўскі раён). Сустрэча з Алесем Белакозам
Алесь Мікалаевіч Белакоз вядомы не толькі ў Беларусі, але і далёка за яе межамі ў асяродках, дзе жывуць нашы землякі. Заслужаны настаўнік Беларусі, заслужаны дзеяч культуры, які адным з першых быў ушанаваны медалём імя Францыска Скарыны. Заснавальнік Гудзевіцкага дзяржаўнага літаратурна-краязнаўчага музея, які ўзначальваў болей за 30 гадоў. Алесь Мікалаевіч - чалавек складанага лёсу. У гады вайны навучаўся ў падпольнай беларускай школцы, быў блізкім сябрам Ларысы Геніюш. З ім сябравалі, да яго ў музей прыязджалі Васіль Быкаў, Уладзімір Караткевіч, Вольга Іпатава і многія знакамітыя дзеячы беларускай культуры і літаратуры.
Старшыня Магілёўскага ТБМ Алег Дзьячкоў уручае Алесю Белакозу памятныя календары, а таксама выдадзеную Магілёўскім таварыствам беларускай мовы кнігу А. Белакоза "Крамянёўка"
Сустрэча з Алесем Белакозам
Экспазіцыя музея
Экспазіцыя музея
Экспазіцыя музея
Экспазіцыя музея
Экспазіцыя музея
УК “Гудзевіцкі дзяржаўны літаратурна-краязнаўчы музей” створаны на базе школьнага літаратурна-краязнаўчага музея, які стварыў былы настаўнік беларускай мовы і літаратуры Алесь Белакоз. Школьны музей прыняў сваіх першых наведвальнікаў 2 лютага 1968 года. Яго адкрыццё было прымеркавана да 130-годдзя з дня нараджэння Кастуся Каліноўскага. Першыя экспанаты датуюцца 1965 годам. Менавіта тады дзеці пад кіраўніцтвам А. Белакоза пачалі пісаць лісты пісьменнікам, мастакам, дзеячам навукі і культуры з просьбай даслаць выказванне пра беларускую мову, чарнавік ці рукапіс свайго твора, кнігу з аўтографам і інш. Назбіралася многа матэрыялаў, і быў адчынены школьны літаратурна-краязнаўчы музей.
Экспазіцыя музея. "Беларускамоўны" глобус
Экспазіцыя музея. Аўтограф касманаўта Пятра Клімука
Экспазіцыя музея. Аўтограф Яраслава Клімуця - навукоўца, старшыні Магілёўскай абласной арганізацыі ТБМ імя Францішка Скарыны
Яраслаў Клімуць - кандыдат філалагічных навук, дацэнт, былы дэкан філалагічнага факультэта МДУ імя А. Куляшова, член Саюза пісьменнікаў Беларусі. Малая радзіма сп. Клімуця — вёска Вострава Мастоўскага раёна, ён выпускнік Гудзевіцкай сярэдняй школы. Я. Клімуць з’яўляецца аўтарам шэрагу публікацый па гісторыі роднай літаратуры.
Гэты вельмі сціплы і тактоўны чалавек стаяў ля вытокаў Магілёўскай арганізацыі Таварыства беларускай мовы ў 1989 годзе. З ініцыятывы Яраслава Клімуця пры Магілёўскім дзяржаўным універсітэце імя Аркадзя Куляшова працаваў нядзельны беларускамоўны ліцэй. Таксама Я. Клімуць вёў літаратурную старонку ў газеце “Магілёўская праўда”.
Зараз сп. Клімуць працуе над стварэннем анталогіі літаратуры Магілёўшчыны.
Экспазіцыя музея. Яшчэ ў 1980 годзе калгас дапамог перавезці з в. Семярэнкі да музея хатку, пабудаваную ў канцы XVIII стагоддзя. Першая экскурсія ў ёй была праведзена 6 студзеня 1981 года. У 1995 годзе, калгас дапамог перавесці да хаткі свіронак (таксама з в. Семярэнкі).
Сёння ў фондах музея - каля 13 тыс. экспанатаў, 14 экспазіцыйных залаў, бібліятэка, што налічвае 2200 кніг і мноства часопісаў. Наведвальнікі могуць азнаёміцца з экспазіцыямі “Пісьменнікі Гарадзеншчыны”, “Беларусь літаратурная”, ”Каменны век”, ”Кавальская справа”, “Ткацтва і вышыўка”, ”Вырабы з саломкі”, ”Гудзевіцкія народныя строі”, ”Вырабы з дрэва”, ”Ганчарства”, ”Народная медыцына” і іншымі. Каля 90% усіх экспанатаў – арыгінальныя прадметы.
Гародня. Барысаглебская царква - помнік мураванай старажытна-рускай архітэктуры. Адзін з помнікаў Гродзенскай школы дойлідства. Пабудавана ў другой палове XII ст. ў Гродне на высокім правым беразе Нёмана, побач з замкавай гарой, на тэрыторыі былога Каложскага пасада. У пачатку XVI ст. адняўлялася Богушам Багутовічам і ў XVII ст., часткова разбурана ў 1853 у выніку апоўзня, абвалілася ў 1889 (паўднёвая апсіда). Захаваліся паўночная частка і частка заходняй сцяны, 3 апсіды і 2 заходнія падкупальныя слупы. У царкве размяшчаецца філіял Беларускага дзяржаўнага музея гісторыі рэлігіі. Помнік рэспубліканскага значэння. Побач усталяваны мемарыяльны камень Давыду Гарадзенскаму
Гародня. Касцёл Адшукання Святога Крыжа - каталіцкі храм у складзе манастырскага комплекса, размешчаны на высокім правым беразе р. Нёман, дамінанта архітэктурнай панарамы гістарычнага цэнтра Гродна. Пабудаваны ў 1595—1618 замест драўлянага (1494/1495), дабудаваны ў 18 ст. Касцёл — аснова буйнога архітэктурнага комплекса, які разам з жылым корпусам утварае ўнутраны замкнёны двор.
Гародня. Пакроўскі кафедральны сабор (пач. 20 ст.)
Гародня. Абласны драматычны тэатр
Гародня. Старажытны цэнтр горада. Стары і Новы замак
Гародня. Касцёл святога Францыска Ксаверыя, раней Касцёл езуітаў, Фарны касцёл: каталіцкі храм у складзе манастырскага комплекса ў цэнтры горада. Пабудаваны з цэглы ў 1647—1663, часткова перабудаваны ў 18 ст., дапоўнены прыбудовамі ў канцы 19—пач. 20 ст.
Гародня. Касцёл святога Францыска Ксаверыя
Гародня. Касцёл святога Францыска Ксаверыя. 15 снежня 1990 г. папа рымскі Ян Павел II надаў касцёлу тытул базілікі меншай, а 13 красавіка 1991 года, калі была ўтворана Гродзенская дыяцэзія, ён стаў кафедральным.
Гародня. Касцёл святога Францыска Ксаверыя. Галоўны алтар
Гародня. Нёман
Далучайцеся да вандровак Магілёўскага ТБМ!Гл. таксама:Да вытокаў Бярэзіны, або Таямніцы Віцебшчыны. 50 здымкаў з вандроўкі “Краснаполле маё, Краснаполле”, або Вандроўка, прысвечаная 90-годдзю Аляксея ПысінаАляксею Пысіну прысвячаецца (фота)Фотарэпартаж з вандроўкі ў Ракаў і МінскВандроўка “Прыдзвінскія ваколіцы”, або Чаму ў музеі Рэпіна не размаўляюць па-беларуску?Шлях да Блакітнай крыніцы – фотарэпараж з вандроўкіСмаргонь-2009: успамін з Дня беларускага пісьменства (фота)Дарогамі вайны (фотарэпартаж)Канстанцін Сіманаў і Магілёў (фота)Княжыцы-Галоўчын-Тубышкі-Круглае-Друцк – фотарэпартаж з вандроўкі. Частка 2Княжыцы-Галоўчын-Тубышкі-Круглае-Друцк – фотарэпартаж з вандроўкі. Частка 1“Таямніцы беларускай Поўначы” – фотарэпартаж. Частка 5“Таямніцы беларускай Поўначы” – фотарэпартаж. Частка 4“Таямніцы беларускай Поўначы” – фотарэпартаж. Частка 3“Таямніцы беларускай Поўначы” – фотарэпартаж. Частка 2 “Таямніцы беларускай Поўначы” – фотарэпартаж. Частка 1Па Варшаўскім шляху (фота)Магілёў-Беразіно-Мінск. ФотаБарысаў-2008: летапіс вандроўкі Магілёўскага ТБМ (фота)Талачын, Крупкі, Барысаў. Фотарэпартаж з вандроўкіМагілёўцы адзначылі Дзень беларускага пісьменства дыктоўкайАдзін дзень у Сярэднявеччы – старажытны Мсціслаў (фота)Фотарэпартаж з паездкі на ўсход МагілёўшчыныДастоева, Моталь, Моладава, Парэчча, Пінск. Фотарэпартаж з вандроўкі (ч. 5)Скокі, Берасьце, Кобрынь, Закозель, Іванава. Фотарэпартаж з вандроўкі (ч. 4)Высокае, Воўчын, Вістычы, Чарнаўчыцы. Фотарэпартаж з вандроўкі (ч. 3)Заходняя Беларусь у люстэрку падарожжаўПадарожжа па краіне альбо нефармальная адукацыяКосава, Ружаны, Пружаны, Камянец. Фотарэпартаж з вандроўкі (ч. 2)Па прасторах Берасцейшчыны Завосьсе, Сталовічы. Фотарэпартаж з вандроўкі (ч. 1)Старажытны Мсціслаў запрашаеТурэц, Паланэчка, Вольна, Ішкалдзь. Фотарэпартаж з вандроўкі (ч.5)Наваградак, Уселюб, Любча, Шчорсы. Фотарэпартаж з вандроўкі (ч.4)Мураванка, Шчучын, Масты, Рэпля, Вялікая Бераставіца. Фотарэпартаж з вандроўкі (ч.3)Ліпнішкі, Іўе, Геранёны, Воранава, Радунь, Васілішкі. Фотарэпартаж з вандроўкі (ч.2)Валожын, Вішнёва, Дзясятнікі, Суботнікі. Фотарэпартаж з вандроўкі (ч.1)Па гістарычных мясцінах старадаўняй Літвы (фота)Фотарэпартаж з Купальскага фэстуКупальскі фэст на ДруціВандроўка ТБМ па Быхаўшчыне (фота)Браслаў, Іказнь, Мёры. Фотарэпартаж з вандроўкі (ч. 6)Міхалішкі, Відзы, Опса. Фотарэпартаж з вандроўкі (ч. 5)“У такіх вандроўках толькі адна хіба – мала дзён” (фота)Смаргонь, Солы, Гервяты. Фотарэпартаж з вандроўкі (ч. 4)
Ашмяны, Жупраны. Фотарэпартаж з вандроўкі (ч. 3)Вандроўка Магілёўскага ТБМ па Паўночна-заходняй БеларусіГальшаны. Фотарэпартаж з вандроўкі (ч. 2)Крэва, Баруны. Фотарэпартаж з вандроўкі (ч. 1)
