Перспектывы забудовы горада Магілёва – тэма чарговых заняткаў гуртка беларускай мовы.

Мы шмат чаго ведаем пра гісторыю і помнікі архітэктуры Магілёва, але вельмі мала пра фарміраванне гарадскога асяроддзя ў нашы дні і перспектывы яго развіцця. Нас чакае размова з прадстаўнікамі адной з самых складаных і элітных прафесій – дойлідамі горада.


Новая гасцініца "Славянская" ў гістарычнай забудове Магілёва. Фота mahilou.org

Культура, палітыка, філасофія, мастацтва, духоўныя здабыткі і страты грамадства, эканамічныя і сацыяльныя запатрабаванні маюць свой уплыў на стварэнне архітэктурнага стылю сучаснай забудовы і ў сваю чаргу ўплываюць на фарміраванне свядомасці будучых пакаленняў. Дойлідства – гэта музыка ў камені, а ці заўсёды нам прыемна яе чуць?

Заняткі адбудуцца ў сераду, 17 лютага, пачатак ў 19-00.