Прапануем вашай увазе другую частку фотарэпартажа з вандроўкі Магілёўскага ТБМ па цэнтральнай і паўночнай Віцебшчыне. У гэтай частцы фотасправаздачы прадстаўлены найлепшыя здымкі з Вушаччыны: уласна Вушачаў, мемарыяла “Прарыў”, Селішча, малой радзімы Васіля Быкава – Бычкоў, ваколіц возера Доўгае, а таксама вёскі Празарокі Глыбоцкага раёна.

У Вушачах мы пабачылі касцёл св. Лаўрэна (1913 г.); ля вёскі Паперына наведалі мемарыяльны комплекс “Прарыў”; у вёсцы Селішча падзівіліся на велічны касцёл св. Веранікі (1726 г.) кляштара бернардзінцаў; у Бычках наведалі музей-сядзібу выдатнейшага беларускага пісьменніка Васіля Быкава, адноўленую ў 2004 г.; нарэшце, пераначаваўшы ў ваколіцах с возера Доўгае – самага глыбокага на Беларусі, - раніцай наступнага дня наведалі магілу пачынальніка беларускага тэатра Ігната Буйніцкага і Вазнясенскі касцёл (пач. 20 ст.) у вёсцы Празарокі на Глыбоччыне.

Заўважым, што на многіх з прыведзеных фотаздымкаў – дзеці, якія, прыняўшы ўдзел у нашым падарожжы, надалі яму своеасаблівы каларыт.

Вандруйце з намі!


Касцёл св. Лаўрэна ў Вушачах


У музеі народнай славы


... і каля яго (дзеці)


Мемарыяльны комплекс "Прарыў" ля вёскі Паперына.

30 чэрвеня 1974 г. у гонар подзвігу партызан Палацка-Лепельскай партызанскай зоны адкрыты мемарыяльны комплекс “Прарыў” (скульптар А. Анікейчык, архітэктары Ю. Градаў, Л. Левін). Выкананы з бетону, бронзы. Вышыня скульптуры 9 м.

У пачатку мемарыяла забетанаваны адрэзак шляху, па якім ішлі на прарыў партызаны. Дарога на перападах рэльефу спускаецца прыступкамі, агінае невялікае балотца, робіцца шырэй каля бронзавай пліты – карты з рэльефнай схемай абароны партызанскай зоны на 11.04.1944 г. з надпісам: “Партызанскія злучэнні Полацка-Лепельскай зоны пасля працяглых жорсткіх бітваў з фашысцкімі карнікамі ў маі 1944 г. каля вёсак Пліна і Паперына здзейснілі легендарны прарыў варожай блакады. Іх было 17185 супраць 60000. Мужнасць народа перамагла смерць і стала бяссмерцем”.

Далей дарога, сціснутая шэрымі бетоннымі сценамі, на якіх замацаваны бронзавыя пласціны з назвамі партызанскіх брыгад, што ўдзельнічалі ў прарыве, вядзе да вяршыні ўзгорка. На ім у разрыве бетоннай сцяны-глыбы (вышыня 11 м), якая сімвалізуе прарыў кальца блакады, узвышаецца 9-метровая бронзавая фігура партызана з аўтаматам у руцэ. На верхняй пляцоўцы ўзвышша, справа ад скульптуры, пахаваны 450 партызан з тых, што загінулі ў час прарыву, устаноўлены паўкругам 33 пліты з імёнамі 1452 удзельнікаў прарыву. Побач бронзавая кампазіцыя “Апошні прывал” – 3 карабіны ў пірамідзе і стужка з надпісам: “Яны загінулі ў барацьбе з ворагам, выканаўшы свой свяшчэнны абавязак перад Савецкай Радзімай і гісторыяй”.

На ўзгорку пасаджаны 16 дубоў, якія сімвалізуюць стойкасць шаснаццаці партызанскіх брыгад.


Музей-сядзіба Быкава


ТБМ ля музея славутага пісьменніка


Касцёл св. Веранікі ў вёсцы Селішча (комплекс кляштара бернардзінцаў)


Касцёл св. Веранікі ў вёсцы Селішча (комплекс кляштара бернардзінцаў)


Лагер увечары


Настаўніцы беларускай мовы ставяць намёт


Празарокі - магіла І. Буйніцкага


Вазнясенскі касцёл у Празароках


Гл. таксама:

“Таямніцы беларускай Поўначы” – фотарэпартаж. Частка 1
Па Варшаўскім шляху (фота)
Магілёў-Беразіно-Мінск. Фота
Барысаў-2008: летапіс вандроўкі Магілёўскага ТБМ (фота)
Талачын, Крупкі, Барысаў. Фотарэпартаж з вандроўкі
Магілёўцы адзначылі Дзень беларускага пісьменства дыктоўкай
Адзін дзень у Сярэднявеччы – старажытны Мсціслаў (фота)
Фотарэпартаж з паездкі на ўсход Магілёўшчыны
Дастоева, Моталь, Моладава, Парэчча, Пінск. Фотарэпартаж з вандроўкі (ч. 5)
Скокі, Берасьце, Кобрынь, Закозель, Іванава. Фотарэпартаж з вандроўкі (ч. 4)
Высокае, Воўчын, Вістычы, Чарнаўчыцы. Фотарэпартаж з вандроўкі (ч. 3)
Заходняя Беларусь у люстэрку падарожжаў
Падарожжа па краіне альбо нефармальная адукацыя
Косава, Ружаны, Пружаны, Камянец. Фотарэпартаж з вандроўкі (ч. 2)
Па прасторах Берасцейшчыны
Завосьсе, Сталовічы. Фотарэпартаж з вандроўкі (ч. 1)
Старажытны Мсціслаў запрашае
Турэц, Паланэчка, Вольна, Ішкалдзь. Фотарэпартаж з вандроўкі (ч.5)
Наваградак, Уселюб, Любча, Шчорсы. Фотарэпартаж з вандроўкі (ч.4)
Мураванка, Шчучын, Масты, Рэпля, Вялікая Бераставіца. Фотарэпартаж з вандроўкі (ч.3)
Ліпнішкі, Іўе, Геранёны, Воранава, Радунь, Васілішкі. Фотарэпартаж з вандроўкі (ч.2)
Валожын, Вішнёва, Дзясятнікі, Суботнікі. Фотарэпартаж з вандроўкі (ч.1)
Па гістарычных мясцінах старадаўняй Літвы (фота)
Фотарэпартаж з Купальскага фэсту
Купальскі фэст на Друці
Вандроўка ТБМ па Быхаўшчыне (фота)
Браслаў, Іказнь, Мёры. Фотарэпартаж з вандроўкі (ч. 6)
Міхалішкі, Відзы, Опса. Фотарэпартаж з вандроўкі (ч. 5)
“У такіх вандроўках толькі адна хіба – мала дзён” (фота)
Смаргонь, Солы, Гервяты. Фотарэпартаж з вандроўкі (ч. 4)
Ашмяны, Жупраны. Фотарэпартаж з вандроўкі (ч. 3)
Вандроўка Магілёўскага ТБМ па Паўночна-заходняй Беларусі
Гальшаны. Фотарэпартаж з вандроўкі (ч. 2)
Крэва, Баруны. Фотарэпартаж з вандроўкі (ч. 1)