Город 312 — поп-рок гурт з гораду Бішкек, Кыргыстан. Існуе з 2001 году. Першы (і пакуль адзіны) пік папулярнасьці гурту прыпаў на 2006 год, найперш дзякуючы песьні «Останусь», якая ўвашла ў саўндтрэк да фільму «Дневной дозор».

У адмысловым рэлізе «Вне зоны доступа», прызначаным для распаўсюду ў Беларусі, у якасьці бонус-трэку ёсьць песьня «Вясна» па-беларуску. Гурт падтрымлівае сувязь зь беларускімі гуртамі Indiga і КлЁндайк. Брат салісткі Аі жыве ў Горадні.

Аднойчы ўлетку 1980 году Юры Шаўчук, дыплямаваны мастак і паэт-самавучка, сустрэў чатырох маладых людзей... Гэтак і пачаўся гурт ДДТ, які пазьней стаў кашмарам для КГБ, “партыйцаў” ды іншых, але ў той жа час застаўся адным з найпапулярнейшых гуртоў у гісторыі як савецкага, гэтак і расейскага року. Па адной з вэрсіяў назва гурту, нягледзячы на сваю ядавітасьць, першапачаткова была дастаткова бяскрыўднай і расшыфроўвалася як “Дом Дзіцячай Творчасьці” – першае прыстанішча калектыву.

На сёньняшні дзень ДДТ – адзін з найпапулярнейшых расейскіх рок-гуртоў. У 1993 годзе гурт быў названы “Найлепшым гуртом году”, а сам Шаўчук – “Найлепшым рок-музыкам году”. У 1995 годзе Шаўчук наведаў раёны баявых дзеяньня ў Чачні, дзе даў некалькі канцэртаў як для расейскіх вайскоўцаў, гэтак і для чачэнцаў.

Паводле www.letozovet.by