“Шаноўныя сябры! Вуліца, на якой Вам выпала жыць, ушаноўвае імя вядомага беларускага паэта, ураджэнца Магілёўшчыны, Аляксея Пысіна. Лёс і паэзія гэтага чалавека апалены агнём мінулай вайны, але ў яго вершах - мудрасць, праўда жыцця і бязмежнае замілаванне да радзімы. Няхай яго творчасць дапаможа вам зразумець каштоўнасць нашага існавання на гэтай зямлі і адчуць радасць у кожным падораным нам дні”, - гэтымі словамі пачынаецца буклет, які на днях атрымалі жыхары вуліцы Аляксея Пысіна ў Магілёве ад актывістаў гарадской арганізацыі ТБМ.

У буклеце, тэкст якога прыведзены ніжэй, змешчана біяграфія, некалькі вершаў нашага выдатнага паэта і земляка, а таксама інфармацыя пра сумесны праект гарадской супокі ТБМ і магілёўскага тэлебачання “2-і канал” “Вяртанне” (на тэлеканале гучаць вершы магілёўскіх паэтаў у выкананні жыхароў горада). Далучайцеся!!!


Гл. таксама:

Тэлепраект "Вяртаньне"