На досьвітку 28 лютага 1918 году ў Магілёве бальшавікі расстралялі сьвятара Яўгена Сьвятаполка-Мірскага. Увазе нашых наведнікаў аўдыёвэрсія перадачы “З гісторыяй побач” “2 каналу”. З гісторыкам Ігарам Пушкіным размаўляе Алена Барысава.

Слухаць:

 

Пампаваць (mp3)

СЬВЯТАПОЛК- МІРСКІ Яўген - 1876 г.н.

Скончыў духоўную сэмінарыю ў Пецярбургу, рукапакладзены ў 1906. З 1902 вікары парафіі ў Табольску, затым адміністратар парафіі ў Краснаярску. З 1906 законанастаўнік у школах Гомеля, у 1910 вярнуўся ў Краснаярск. З 1912 пробашч прыкатэдральнага сабору ў Пецярбургу, у тым самы годзе стаў пробашчам катэдральнага сабору і дэканам Магілёўскім. 08.02.1918 арыштаваны ў Магілёве. 28.02.1918 ППРТ прысуджаны да расстрэлу за к/р дзейнасьць, удзел у паўстанцкай арганізацыі ПАВ, хаваньне польскіх салдат. Асуджаны ПП РТ. Парафіяне, што былі ў гэты момант у залі суду, сталі яго бараніць. Салдаты пачалі страляць, паранілі й забілі некалькі чалавек. Айца Яўгена і яшчэ двух чалавек бальшавікі ў той самы дзень вывезьлі за горад і пасьля жорсткіх катаваньняў забілі. На наступны дзень парафіяне знайшлі цела пастыра зь пяцьцю вагнястрэльнымі і чатырма нажавымі ранамі, разьбітай галавой і зламанымі рукамі. Улады забаранілі абрад пахаваньня, дазволіўшы толькі пахаваць цела на месцы пагібелі. Пасьля прыходу ў горад польскіх войскаў генэрала Язэпа Даўбор-Мусьніцкага цела а. Яўгена эксгумавана і з пашанаю пахаванае на каталіцкіх могілках з удзелам вялікай колькасьці вернікаў.

Паводле Martyraloh.org